روزینہ علی : محکمہ موسمیات نے کہا ہے کہ ملک کے بیشتر علاقوں میں موسم خشک جبکہ پہاڑی علاقوں میں سرد رہنے کا امکان ہے , محکمہ موسمیات کی جانب سے بارش کا کوئی امکان ظاہر نہیں کیا گیا ۔
محکمہ موسمیا ت کے مطابق مٹھی 40، لسبیلہ39، چھور، تربت ،میر پور خاص، شہید بینظیر آباد میں 38ڈگری سنٹی گریڈ درجہ حرارت ریکارڈ کیا گیا۔
جمعہ کے روز موسم کی صورتحال محکمہ موسمیات کا کہنا ہے کہ اسلام آباد اور گردونواح میں موسم خشک رہنے کا امکان ہے۔ خیبرپختونخوا کے بیشتر اضلاع میں موسم خشک جبکہ پہاڑی علاقوں میں صبح اور رات کے اوقات میں سرد رہنے کا امکان ہے ۔ اس کے علاوہ پنجاب کے بیشتر اضلاع میں موسم خشک رہنے کا امکان ہے، تا ہم سیالکوٹ، ناروال ، گوجرانوالہ ،لاہور، شیخوپورہ، فیصل آباد،قصور،اوکاڑہ ، بہاولپور اور گردونواح میں صبح کے وقت ہلکی سموگ چھائے رہنے کی توقع ہے ۔
محکمہ موسمیات کے مطابق بلوچستان کے بیشتر اضلاع میں موسم خشک رہنے کا امکان ہے، سندھ کے بیشتر اضلاع میں موسم گرم اور خشک رہنے کا امکان ہے، جبکہ کشمیر اور گلگت بلتستان میں موسم خشک اور سرد رہنے کی توقع ہے ۔