ویب ڈیسک: جے یو آئی کے سربراہ مولانا فضل الرحمان کا کہنا ہے کہ افغان مہاجرین دو طرفہ مسئلہ ہے افغان حکومت سے مذاکرات کئے جائیں۔
افغان مہاجرین کی واپسی کی ڈیڈ لائن پر مولانا فضل الرحمان نے رد عمل دیتے ہوئے کہا کہ افغان حکومت کو اعتماد میں لیکر ان کی واپسی کا طریقۂ کار طے کیا جائے، غیر قانونی کے آڑ میں قانونی طور پر رہنے والے افغانوں کو بھی بلیک میل کیا جارہا ہے۔مقامی انتظامیہ اور با اثر لوگوں کی جانب سے قانونی طور پر رہنے والے افغانوں کو بلیک میل کیا جارہا ہے، ان کی جائیدادوں پر قبضہ کرنے کیلئے ظالمانہ رویہ اپنایا جارہا ہے۔
انہوں نے مزید کہا کہ اس طرح کے اقدامات سے پڑوسی ملک کے ساتھ تعلقات پر منفی اثرات مرتب ہوں گے، دوطرفہ مذاکرات کے مسئلے کو سنجیدگی سے حل کیا جائے۔