ویب ڈیسک :  اداکارہ انوشکا شرما  شوہر  ویرات کوہلی کے کمرے کی ویڈیو سوشل میڈیا پر لیک ہونے پر غصہ کا اظہار کر دیا۔

انوشکا شرما نے اپنی انسٹا اسٹوری پر سوشل میڈیا پر لیک ہونے والی ویرات کوہلی کے کمرے کی ویڈیو شیئر کی ہے۔اُنہوں نے یہ ویڈیو شیئر کرتے ہوئے لکھا کہ’ماضی میں اس طرح کے کچھ واقعات کا تجربہ کیا ہے جہاں مداحوں نے اپنی حد پار کی لیکن یہ سب سے زیادہ بری چیز ہے۔

اُنہوں نے مزید لکھا کہ’یہ سراسر غلط حرکت اور انسانی حقوق کی خلاف ورزی ہے‘اُنہوں نے مزید لکھا کہ’جو بھی یہ دیکھنے کے بعد سوچ رہا ہے کہ سلیبریٹی ہو تو یہ سب کچھ ڈیل کرنا پڑے گا تو ان کو یہ معلوم ہونا چاہیئے کہ آپ بھی اس مسئلے کا حصّہ ہیں‘۔

انوشکا شرما نے لکھا کہ’اپنے آپ پر قابو رکھنے کےلیے کچھ اقدامات کریں‘۔اُنہوں نے سوالیہ انداز میں لکھا کہ’اگر یہ سب آپ کے بیڈ روم میں ہوتا تو پھر کیا ہوتا؟‘

اس سے پہلے ویرات کوہلی نے بھی اپنے کمرے سے ویڈیو سوشل میڈیا پر لیک ہونے پر برہمی کا اظہار کیا تھا۔