سلمان خان نے کترینہ کیف سے ’قبول ہے‘‘ کیوں کہا؟

(ویب ڈیسک)بھارتی اداکارہ کترینہ کیف ایک ٹی وی شو میں سلمان خان کے ساتھ سٹیج  پر ایک ساتھ نظر آ گئیں،سلمان خان 'بگ باس 15' کی میزبانی میں جبکہ کترینہ اپنی آنے والی فلم ’سوریا ونشی‘ کے پروموشن میں مصروف ہیں۔

بھارت کے نجی ٹی وی کی ویب رپورٹ کے مطابق اداکارہ کترینہ کیف روہت شیٹھی کے ساتھ 'بگ باس 15‘ میں بطور مہمان شامل ہونے پہنچیں۔ سلمان خان اور کترینہ کیف نے روہت شیٹھی کے ساتھ خوب مستی کی، شو میں کترینہ کیف سلمان خان پر الزام لگاتی نظر آئیں۔ کترینہ روہت شیٹھی سے کہتی ہیں کہ سلمان ہمیشہ سیٹ پر دیر سے پہنچتے ہیں اور بھائی جان خوش خوشی الزام قبول کر لیتے ہیں ، وہ کہتے ہیں قبول ہے۔ شو کے دوران کترینہ  سلمان خان سے گانا گانے کیلئے کہتی ہیں اس پر سلمان خان’ او میرے دل کے چین‘ گانے لگتے ہیں اور کچھ مزیدار ڈانس بھی کرتے ہیں جسے دیکھ کترینہ کی ہنسی چھوٹ جاتی ہے۔

   واضح رہے کہ ماضی میں کترینہ کیف اور سلمان خان کے افیئر کے چرچے عام ہوا کرتے تھے لیکن سلمان اور کترینہ کے درمیان رنبیر  کپور آ گئےتاہم رنبیر کے ساتھ ان کا یہ پیار کچھ زیادہ دنوں تک نہیں چل پایا پھر سے وہ واپس سلمان کے پاس آگئیں۔ بالی ووڈ کے سلطان سلمان خان کی شادی کی فکر پورے ملک کو ہے ۔ سلمان جب انٹرویو دیتےہیں ، میڈیا سے روبرو ہوتےہیں ، تب ان سے یہ سوال ضرور پوچھا جاتا ہے ۔ لیکن سلمان خان کبھی صحیح جواب نہیں دیتے ۔ وہ ہمیشہ ہی یہ سوال ہنسی مذاق میں ٹال دیتے ہیں۔