ویب ڈیسک: قومی کرکٹ ٹیم کے کپتان بابر اعظم کی والدہ کی صحت بہتر ہونے پر انہیں ہسپتال سے ڈسچارج کر دیا گیا۔
فوٹو اینڈ ویڈیو شیئرنگ ایپ انسٹاگرام پر کپتان بابر اعظم کے والد اعظم صدیقی نےبابر اعظم کی اپنی والدہ کے ہمراہ تصویر شیئر کرتے ہوئے بتایا کہ اللہ کے فضل سے بابر کی والدہ بالکل ٹھیک ہیں، مشکل وقت تھا ہم نے صبر سے گزارا اور اللہ پاک نے انعام بھی بڑا دیا۔ میں اپنی پاکستانی قوم کا دل سے شکر گزار ہوں جنہوں نے مجھے اتنا حوصلہ دیا۔ پاکستان زندہ باد، عوام زندہ باد۔
قبل ازیں بابر اعظم کے منیجر نے بھی ان کی والدہ سے متعلق انسٹاگرام پر پوسٹ شیئر کی تھی، ’شکریہ اور دعائیں‘ کا کیپشن دیتے ہوئے انہوں نے بتایا کہ لحمداللّٰہ، کپتان کی والدہ گھر پر ہیں اور آپ کی دعاؤں سے صحت یاب ہو رہی ہیں۔
مداحوں سے مخاطب ہوتے ہوئے انہوں نے مزید لکھا کہ بحیثیت خاندان، نیک دعاؤں اور محبتوں کے لیے ہم آپ سب کے شکر گزار ہیں۔