(زبیر احمد) کشمور  میں دیرینہ دشمنی پر  نامعلوم افراد  کی کار  پر  فائرنگ کے نتیجے میں 4افراد قتل جبکہ   2 زخمی ہوگئے۔

تفصیلات کے مطابق   یہ افسوسناک واقعہ صوبہ سندھ کے علاقے کشمور تھانہ بخشاپور کے حدود ہاٹک کے مقام پر پیش آیا جہاں  نامعلوم موٹرسائیکل سوار مسلح افراد  نے کار پر اندھا دھند فائرنگ سے بنگوار برادری کے 4 افراد کو موقع پر قتل کردیا جبکہ دو افراد زخمی ہوگئے ۔

 اطلاع ملتے ہی پولیس کی جانب سے جائے وقوعہ پر پہنچ  کر لاشوں اور زخمیوں کو ہسپتال منتقل کر دیاگیا ہے۔

پولیس  کا کہنا تھا کہ  واقعہ بنگوار برادری کے دوگروپوں میں دیرینہ دشمنی پر پیش آیا ہے، مزید تفتیش جاری ہے۔