سٹی42: مالم جبہ میں پرل کونٹی نینٹل ہوٹل کی ہائی ایس گاڑی گہری کھائی میں جا گری, ابتدائی اطلاعات کے مطابق اس حادثہ میں 6 افراد جاں بحق ہو گئے۔ پاک فوج کے دستے بدقسمت گاڑی کے زخمی مسافروں کی مدد کو پنہچ گئے۔
مالم جبہ کے قریب موڑ کاٹتے ہوئے پی سی ہوٹل کی ہائی ایس گاڑی گہری کھائی میں جا گری تھی۔ گاڑی میں 12 مسافر موجود تھے۔
عینی شاہدوں کے مطابق 6 افراد موقع پر ہی جاں بحق ہو گئے جبکہ 6 شدید زخمی ہیں۔ زخمیوں کی امداد کے لیے پاک فوج کے دستے موقع پر پنہچ گئے۔
پاک فوج کی ریسکیو ٹیموں نے زخمیوں کو کھائی میں گری ہوئی گاڑی سے نکالا۔ زخمیوں کو پاک فوج کی جانب سے طبی امداد دی جا رہی ہے۔
