سٹی 42: معروف ٹک ٹاکرز جنت مرزا اور الشبا مرزا کا طاہرہ اینیمل ویلفئیر سنٹر کا دورہ ، بے بس اور لاچار جانوروں کی حفاظت کے لیے عزم کا اظہار  کیا اور جانوروں کی مدد کرنے کے مشن کو آگے لے کر چلنے کی خواہش ظاہر کی ۔
الشبا انجم اور جنت مرزا نے بے سہارا جانوروں کے ساتھ طاہرہ اینیمل ویلفئیر سنٹر میں وقت گزارا ان کا کہنا تھا کہ جانور بے زبان ہوتے ہے یہ اپنا دکھ تکلیف کسی کو نہیں سنا سکتے اس لیے ان بے آواز اور بےسہارا کی ہمیں آواز اور سہارا بننا ہے۔

اس موقع پر جنت مرزا کا کہنا تھا کہ طاہرہ کی جانب سے اینیمل کی ویلفئیر کے لیے جو کام کیا جا رہا ہے قابل ستائش ہے اس پر ان کو سراہتے ہے اور دیکھ کر خوشی ہوتی ہے جب کوئی جانوروں کے لیے درد دل اور محبت رکھتا ہے، عوام سے درخواست ہے کہ جب بھی کسی جانور کو بے سہار ا دیکھے تو ان کو مارنے کی بجائے طاہرہ اینیمل ویلفئیر سنٹر سے رابطہ کریں وہ خود اس بے سہارا جانور کو کھانا اور رہنے کی چھت مہیا کریں گے۔