(سعید احمد)ملکی پرائیویٹ ایئرلائن سیرین ایئر کا لاہور سے کوئٹہ پروازوں کی بحالی کا اعلان، سیرین ایئرلائن لاہور سے کوئٹہ تین پروازیں آپریٹ کریگی۔
سیرین ایئر لائن کوئٹہ کے لیے منگل، جمعہ اور اتوار کو دو طرفہ پروازیں آپریٹ کرے گی، سیرین ایئرلائن یکم اگست سے لاہور سے کوئٹہ ہفتہ وار تین پروازیں آپریٹ کرے گی۔
بتایا گیا ہے کہ اس حوالے سے ایئرلائن انتظامیہ نے ہفتہ وار تین پروازوں کو آپریٹ کرنے کے لیے انتظامات مکمل کر لیے ہیں، سیرین ایئر لائن لاہور سے کوئٹہ کے لیے بوئنگ737 طیارہ استعمال کرے گی۔