سٹی 42 : عدالت نے 9 اور 10 مئی 2023 کو ریاستی اداروں اور فوجی تنصیبات پر پرتشدد حملوں میں گرفتار کیے گئے 5 افغان شہریوں اور پی ٹی آئی کے 10 کارکنوں کی سزا معطل کر دی۔ 

اسلام آباد ہائیکورٹ کے جسٹس محسن اختر کیانی اور جسٹس سردار اعجاز اسحاق سزا معطلی کی درخواست پر سماعت کی، دوران سماعت متعلقہ حکام عدالت میں پیش ہوئے۔ عدالت نے قرار دیا کہ ایف آئی آر میں ملزمان پر فیض آباد میں پولیس پر حملے اور  پولیس چوکی جلانے کا الزام ہے، ریکارڈ کے مطابق کوئی بھی ملزم جائے وقوعہ سے گرفتار نہیں کیا گیا۔ 

عدالت نے 5 افغان شہریوں سمیت 10 پی ٹی آئی کارکنوں کی سزا معطل کرتے ہوئے انہیں ضمانت پر  رہا کرنے کا حکم دے دیا۔

پراسیکیوشن کی چارج شیٹ کے مطابق سزا پانے والے  5 ملزموں کے افغان شہری ہونے پر عدالت نے ملزمان کو اپنی شہریت کی تصدیق کے لیے اصل شناختی کارڈز ڈپٹی رجسٹرار کو جمع کرانے کا حکم دیا۔