خان شہزاد:  برائلر مرغی کے گوشت کی قیمتوں میں اتار چڑھاؤ جاری ہے، ملک بھر میں متوسط اور غریب طبقے کیلئے پروٹین کی قیمتیں کم نہ ہو سکیں۔

برائلر مرغی کا صافی گوشت 680 روپے فی کلو تک فروخت ہو رہا ہے، جس سے عوام کی قوتِ خرید پر منفی اثرات مرتب ہو رہے ہیں۔

ہول سیل منڈی میں بھی برائلر مرغی کی اضافی نرخوں پر فروخت کا سلسلہ جاری ہے۔ برائلر مرغی کا ہول سیل ریٹ 389 روپے فی کلو ہے جبکہ مارکیٹ میں یہ 415 روپے فی کلو تک فروخت کی جا رہی ہے۔

ریٹیلرز کے مطابق رمضان کے پہلے عشرے میں گوشت کی قیمتوں میں کمی متوقع ہے تاہم تیسرے عشرے میں گوشت کی مانگ میں اضافے کے باعث قیمتیں پھر سے مہنگی ہو سکتی ہیں۔

 سیلرز کا کہنا ہے کہ رمضان کے دوران گوشت کی قیمتوں میں اتار چڑھاؤ کا سامنا رہتا ہے، جس سے عوام کو شدید مشکلات کا سامنا ہو رہا ہے۔