جنید ریاض: وزیرتعلیم راناسکندرحیات لندن کادورہ مکمل کرنےکےبعدآج وطن واپس پہنچیں گے۔
تفصیلات کے مطابق دورہ لندن کے دورا زیرتعلیم راناسکندرحیات نےن پنجاب کی تعلیمی ترقی کیلئے مختلف ایم او یوز بھی سائن کئے،وزیر تعلیم نے آکسفورڈ یونیورسٹی کا دورہ کیا، پاکستانی طلباسے ملاقات کی،وزیر تعلیم نے برطانیہ کےامتحانی بورڈاےکیواےکابھی دورہ کیا اورورکنگ کا جائزہ لیا، راناسکندرحیات کی برطانیہ کے ایڈوائزر برائے ہائر ایجوکیشن سر سٹیو سمتھ سےملاقات ہوئی۔
یونیورسٹی آف لندن کی وائس چانسلر پروفیسر وینڈی تھامسن سے بھی ملاقات کی گئی،برطانوی ہائر ایجوکیشن کے تعاون سے نواز شریف آئی ٹی سٹی میں کیمپس کے آغاز ودیگر امور پر گفتگو کی گئی،وزیر تعلیم نے گوگل فار ایجوکیشن ہیڈ آفس اور یونیسف کا بھی دورہ کیا،دور ہ کےدوران پنجاب کے تعلیمی نظام کو ڈیجیٹل بنانے کے امور پر گفتگو کی گئی۔
وزیرتعلیم نے بتایا کہ گوگل کلاؤڈ پلیٹ فارم کے ذریعے پنجاب کے سکولوں کو جدید تعلیمی نظام کیمطابق اپگریڈکیاجائیگا،گوگل فار ایجوکیشن کے تعاون سے سکولوں میں 50 ہزار کروم بکس کی فراہمی، سمارٹ لیبز قائم کی جائینگی،گوگل فار ایجوکیشن کے تعاون سے طلباء کو گلوبل سٹینڈرڈ کی تعلیم دی جائے گی۔