ویب ڈیسک:پاکستان سٹاک ایکسچینج میں دوسرے روز بھی استحکام دیکھنے میں آیا ، انڈیکس نے ایک بار پھر ایک لاکھ 14 ہزار کی حد کو چھو لیا ، تبادلہ مارکیٹ میں ڈالر بھی سستا ہو گیا۔
کاروباری ہفتے کے آخری روز اسٹاک مارکیٹ میں کاروبار کا مثبت آغاز ہوا ، کاروبار کے آغاز پر 100 انڈیکس میں 784 پوائنٹس کا اضافہ دیکھا گیا جس سے انڈیکس نے ایک لاکھ ، 14 ہزار کی حد عبور کر لی۔
گزشتہ روز بھی سٹاک ایکسچینج میں تیزی کا رجحان رہا تھا اور 15 ارب 73 کروڑ 71 لاکھ 22 ہزار 573 روپے مالیت کے 17 کروڑ 22 لاکھ 44 ہزار 205 شیئرز کا لین دین ہوا تھا۔
دوسری جانب ایکسچینج کمپنیز ایسوسی ایشن کے مطابق ڈالر کی قیمت بھی گر گئی ہے ، انٹر بینک میں 7 پیسے سستا ہونے کے بعد ڈالر 278 روپے 90 پیسے کا ہو گیا۔