وقاص احمد : گجومتہ چوک ایل ڈی اے روڈ سے ایک نومولود بچی برآمد ہوئی جسے تھیلے میں بند کر کے زیر تعمیر گھر میں پھینک دیا گیا تھا۔
ترجمان ریسکیو کے مطابق بچی کو فوری طور پر چلڈرن ہسپتال منتقل کر دیا گیا ہے جہاں اس کی حالت بہتر بتائی جا رہی ہے۔
ریسکیو ٹیموں نے واقعے کی اطلاع ملنے پر فوری کارروائی کی اور بچی کو بروقت طبی امداد فراہم کی۔
پولیس نے مقدمہ درج کر کے واقعے کی تحقیقات شروع کر دی ہیں اور بچی کو پھینکنے والے ملزمان کی تلاش جاری ہے۔