فاران یامین : گداگری کے روپ میں وارداتیں کرنے والے نوسر باز گداگر کو ڈولفن ٹیم نے گرفتار کر لیا۔
ملزم نے شہری عبدالرحمن سے مسلم ٹاؤن روڈ پر رقم چھینی تھی اور فرار ہو گیا تھا۔
شہری عبدالرحمن کاروبار کے سلسلے میں فیصل آباد سے لاہور آیا تھا جب ملزم نے اسے نشانہ بنایا۔ ڈولفن ٹیم نے دوران پٹرولنگ شہری کی اطلاع پر فوراً ایک ملزم کو گرفتار کر لیا، جبکہ اس کا ساتھی فرار ہو گیا۔
گرفتار ملزم سے شہری سے چھینی گئی رقم 1 لاکھ 50 ہزار روپے موقع پر ہی واپس لوٹا دی گئی۔
پولیس ترجمان کے مطابق ملزم کا متعدد وارداتوں کا انکشاف ہوا ہے، اور مزید کارروائی کے لیے اسے تھانہ مسلم ٹاؤن کے حوالے کر دیا گیا ہے۔