وقاص عظیم: وفاقی  وزیر تجارت و صنعت ڈاکٹر گوہر اعجاز کا کہنا ہے کہ ملک میں چینی کے وافر ذخائر موجود ہیں، شوگر انڈسٹری میں ٹیکس چوروں کے خلاف کارروائی کی جائے گی۔

وزیر تجارت و صنعت ڈاکٹر گوہر اعجاز  کی زیر صدارت شوگر ایڈوائزری بورڈ کا اجلاس ہوا، جس میں وفاقی وزیر نیشنل فوڈ سکیورٹی، کوثر عبداللہ ملک، سیکرٹری صنعت و پیداوار راشد لنگڑیال نے شرکت کی۔

 وفاقی وزیر ڈاکٹر گوہر اعجاز نے ملک میں چینی کے ذخائر کا جائزہ لیا، پاکستان شوگر مل ایسوسی ایشن کا کہنا تھا کہ وہ  وزیر گوہر اعجاز کو چینی کی اسمگلنگ کے خلاف کریک ڈاؤن پر سراہتے ہیں۔

 وزیر گوہر اعجاز نے کہا کہ  گنے کی فصل کی پیداوار 65 لاکھ ٹن تک متوقع ہے،مسلسل دوسرے سال گنے کی ریکارڈ پیداوارمتوقع ہے ،  ملک میں چینی کا وافر ذخیرہ موجود ہے، عوام کو اشیاء ضروریہ سستی فراہم کی جائیں گی ۔ گنے کے کاشتکاروں کے مفادات کی حفاظت کرنا ہمارا فرض ہے، اشیائے ضروریہ کی کم نرخوں پر عوام کو فراہمی حکومت کی ترجیحات میں شامل ہے۔