عابد چوہدری: ڈولفن سکواڈ نے گجر پورہ میں بھیس بدل کر وارداتیں کرنے والے ڈاکو کو گرفتار کر لیا، ملزم نے چند روز قبل ماڈل بازار میں خاتون سے طلائی بالیاں چھینی تھیں۔

ڈولفن ٹیم نے دوران پٹرولنگ مشکوک موٹر سائیکل سوار کو رُکنے کا اشارہ کیا۔ ملزم نے فرار ہونے کی کوشش کی، جسے ڈولفن سکواڈ نے ناکام بناتے ہوئے گرفتار کر لیا۔

ملزم نے بائیک سے اترتے ہی ڈولفن جوان پر چاقو سے حملہ کیا لیکن ڈولفن جوان محفوظ رہا اور ملزم کو قابو کر لیا گیا۔

ترجمان ڈولفن کے مطابق ملزم کے قبضے سے چاقو، نقدی 7 مختلف پینٹیں اور شرٹس برآمد کی گئی ہیں۔ اس کے علاوہ ملزم کے زیر استعمال موٹر سائیکل بھی چوری کی نکلی۔

اُن کا مزید کہنا تھا کہ ملزم 66 سے زائد سنگین جرائم میں ملوث ہے اور ریکارڈ یافتہ ہے۔ ملزم کو تھانہ گجر پورہ کے حوالے کر دیا گیا ہے۔