( فہد علی ) درندگی کی انتہا، حوس کے پجاریوں نے ذہنی معذور بچی کو بھی نہ چھوڑا، گجر پورہ میں بارہ سالہ ذہنی معذور بچی اغوا کے بعد زیادتی کا شکار، پولیس نے مقدمہ تو درج کرلیا مگر تاحال کوئی بھی ملزم گرفتارنہ ہوسکا۔

پولیس کے مطابق گجر پورہ میں 12 سالہ بچی کو نامعلوم افراد نے اغوا کیا اور زیادتی کا نشانہ بنانے کے بعد گھر کے قریب چھوڑ کر فرار ہوگئے۔ اہل خانہ کا کہنا تھا کہ بچی ذہنی معذور ہے جو بول سکتی ہے نہ سن سکتی ہے۔ بچی کے جسم پر تشدد کے نشانات بھی موجود ہیں۔

پولیس کا کہنا تھا کہ بچی کے والد کی مدعیت میں مقدمہ درج کر کے ملزمان کی تلاش جاری ہے، جلد ہی ملزمان کو گرفتار کر لیا جائے گا۔