ویب ڈیسک: لاہور میں اغوا کے بعد نوسربازی کے لیے استعمال ہونے والے بچے کو بازیاب کروا لیا گیا۔
ایس پی کینٹ اویس شفیق کے مطابق فیکٹری ایریا میں 8 سالہ بچے شایان کو نامعلوم موٹرسائیکل سوار ورغلا کر ساتھ لے گیا تھا۔ ملزم نے بچے کو نوسربازی کی واردات کے لیے استعمال کیا۔
ملزم بچے کو ایک دکان پر لے کر گیا اور وہاں اسے اپنا بچہ ظاہر کرکے سامان خریدا۔ پھر پیسے بھولنے کا بہانہ کرکے بچے کو دکان پر چھوڑ کر سامان لیکر فرارہوگیا۔ نامعلوم ملزم کی گرفتاری کے لیے کوششیں جاری ہیں۔