ویب ڈیسک: پاکستان شوبز انڈسٹری کی اداکارہ جویریہ عباسی نے دوسرے شوہر کو سوشل میڈیا اور شوبز کی دنیا سے چھپائے رکھا تھا تاہم اداکارہ کی حالیہ انسٹاگرام اسٹوری نے انکے شوہر کی شناخت کروادی۔
تفصیلات کےمطابق رواں سال مئی میں سوشل میڈیا کے ذریعے منگنی کا اعلان کرکے تہلکہ مچانے والی اداکارہ جویریہ عباسی دیکھتے ہی دیکھتے سب کی توجہ کا محور بن گئیں تھیں،منگنی کی انگوٹھی کی نقاب کشائی کرنے کے بعد اداکارہ اپنے خفیہ منگیتر کیساتھ کبھی گھومتے پھرتے نظر آئیں تو کبھی گاڑی میں بیٹھے انکی تصویر وائرل ہوئی۔
فوٹو اینڈ ویڈیو شیئرنگ ایپ انسٹاگرام پر اداکارہ جویریہ عباسی نے اسٹوری اپڈیٹ کی جس میں انہیں برسات کے موسم کا لطف اٹھاتے دیکھا گیا ، اداکارہ نے سیلفی شیئر کی جس میں اپنےشوہر کاچہرہ اموجی سے چھپایا ہے,جویرہ عباسی نے ہنستی مسکراتی اس تصویر کیساتھ اپنے شوہر عدیل حیدر کو ٹیگ کیا اور انہیں سالگرہ کی مبارک باد دے دی.
اداکارہ کے ٹیگ کے مطابق انکے شوہر کی تفصیلات کی بات کریں تو انکا نام عدیل حیدر ہے جو کہ ایک کاروباری شخصیت ہے۔
عدیل حیدر کے انسٹاگرام اکاؤنٹ پر نظر ڈالی جائے تو بائیو میں انہوں نے خود کو بطور فوٹوگرافر متعارف کروایا ہوا ہے جبکہ انکے پرائیویٹ اکاؤنٹ کو 917 صارفین نے فالو کیا ہوا ہے، عدیل حیدر کی محض 93 پوسٹ کے باوجود انہوں نے خود 383 لوگوں کو فالو بیک کیا ہوا ہے۔