سٹی42: بنوں میں پاک فوج کے قافلے کے قریب خودکش حملے میں 9 جوان شہیدہو گئے۔
پاک فوج کے شعبہ تعلقات عامہ آئی ایس پی آر کے مطابق بنوں کے علاقے جانی خیل میں موٹر سائیکل پر سوار خودکش حملہ آور نے فوجی قافلے کے قریب خود کو اڑایا،جس کے نتیجے میں نائب صوبیدار صنوبر علی سمیت 9 جوانوں نے جام شہادت نوش کیا جبکہ 5 زخمی ہو گئے۔
آئی ایس پی آر کا کہنا ہے کہ شہدا اور زخمیوں کو ہسپتال منتقل کر دیا گیا۔
اس حملہ کے بعد سکیورٹی فورسز نے علاقے کو گھیرے میں لے لیا ہے اور دہشتگرد کے ساتھیوں کی تلاش کے لئےسرچ آپریشن شروع کردیا گیا ہے۔
اس سانحہ کے بعد آئی ایس پی آر کے بیان میں کہا گیا ہے کہ سکیورٹی فورسز دہشتگردی کی لعنت کو ختم کرنے کیلئے پرعزم ہیں،ہمارے بہادر سپاہیوں کی قربانیاں ہمارے عزم کو مزید مضبوط کرتی ہیں۔