جمال الدین : عسکری ٹاور حملہ اور جلاؤ گھیراؤ کا معاملہ ، انسداد دہشت گردی عدالت نے 8 ملزمان کو شناخت پریڈ کیلئے سات روزہ جوڈیشل ریمانڈ پر جیل بھجوا دیا ۔
انسداد دہشت گردی عدالت کی جج عبہر گل خان نے سماعت کی ، گلبرگ پولیس نے ملزمان کو عدالت پیش کیا ۔تفتیشی افسر نے ملزمان کی شناخت پریڈ کی استدعا کی اور عدالت کو بتایا کہ ملزمان عسکری ٹاور حملہ کیس ملوث ہیں ،شناخت پریڈ کی اجازت دی جائے جس پر عدالت نے 8 ملزمان کو شناخت پریڈ کیلئے سات روزہ جوڈیشل ریمانڈ پر جیل بھجوا دیا اور 7 ستمبر کو شناخت پریڈ مکمل کرکے دوبارہ پیش کرنے کا حکم دیا ۔ملزمان کیخلاف تھانہ گلبرگ میں مقدمہ درج ہے۔