ویب ڈیسک: قومی ٹیم کے کپتان بابراعظم کی فیملی نے انہیں نئی قیمتی آڈی گاڑی گفٹ میں دے دی۔
بابراعظم کے بھائی فیصل اعظم نے اپنے یوٹیوب چینل پر بھائی کو مہنگی گاڑی گفٹ کیے جانے سے متعلق ایک وی لاگ پوسٹ کیا۔وی لاگ میں فیصل اعظم نے بتایا کہ فیملی نے بابراعظم کی اسپورٹس کار رکھنے کی پسند کو مد نظر رکھتے ہوئے ان کیلئے گاڑی کی خریداری کا پلان کیا یہ پلاننگ اس وقت ہوئی جب وہ لنکا پریمیئر لیگ کیلئے سری لنکا گئے ہوئے تھے۔
سری لنکا سے گھر واپسی پر بابر کو یہ قیمتی گاڑی کا تحفہ دیا گیا، بابرکی فیملی نے انہیں سفید رنگ کی آڈی ای ٹرون جی ٹی گاڑی تحفے میں دی ہے۔جس سے متعلق فیصل اعظم نے بتایا کہ کہ ہم نے بھائی کو یہ گاڑی اس لیے گفٹ کی ہے ایک تو اس گاڑی کا سفید رنگ پاکستان میں بہت کم پایا جاتا ہے دوسرا اس گاڑی کو خریدنے کے بعد بابر اس کی پاکستان سے ہی سروس باآسانی کرواسکتے ہیں۔
وی لاگ کے دوران فیصل اعظم کی جانب سے بابر کو گاڑی کی چابی دیتے بھی دیکھا گیا،گفٹ وصول کرتے ہوئے بابر نے خوشی کا اظہار کیا اور کہا کہ انہیں یہ گفٹ بے حد پسند آیا ہے۔