(ویب ڈیسک) ملک میں آج سونےکی قیمت میں ایک بار پھر کمی ہوگئی ہے۔
گزشتہ روز سونے کی قیمت میں 5100 روپے کی کمی ہوئی تھی اور آج پھر سونےکی فی تولہ قیمت 1500 روپےکم ہوکر ایک لاکھ 39 ہزار روپے ہوگئی ہے۔
اسی طرح دس گرام سونا 1286 روپے سستا ہوکر 1لاکھ19ہزار 170 روپےکا ہو گیا۔عالمی صرافہ میں سونےکا بھاؤ 18 ڈالرکم ہوکر 1715 ڈالر فی اونس ہے۔
دوسری جانب انٹر بینک میں ڈالر مزید سستا اور روپیہ مزید مستحکم ہو گیا ہے، ڈالر کے مقابلے میں روپے کی قدر میں 1 روپے 12 پیسے کا اضافہ ہوا ہے۔ کاروبار کے آغاز کے ساتھ ہی ڈالر کی قیمت مزید گرنے سے انٹر بینک میں ڈالر 219 روپے کا ہو گیا ہے۔ انٹر بینک میں امریکی ڈالر 1 روپے 12 پیسے سستا ہواہے۔