اسرار خان : اچھرہ پولیس نے 2 رکنی ڈکیت و موٹر سائیکل چور گینگ گرفتار کر لیا ۔ 

پولیس کے مطابق ملزمان فاروق اور سلمان کو خفیہ اطلاع پر شادمان گندہ نالہ سے گرفتار کیا گیا، ملزمان سے مختلف علاقوں  سے چوری ہونے والی 5 موٹر سائیکلیں برآمد ہوئیں۔ اس کے علاوہ ملزمان سے چوری شدہ 5 موبائل فون، 50 ہزار نقدی اور اسلحہ بھی برآمد ہوا ۔ 

پولیس کا کہنا ہے کہ گرفتار ملزمان مختلف تھانوں میں درج 32 مقدمات میں ریکارڈ یافتہ ہیں ۔ گرفتار ملزمان تفتیش کیلئے اینٹی وہیکلز لفٹنگ سٹاف کے حوالے کردیا گیا۔ 

ایس پی ماڈل ٹاؤن اخلاق اللہ تارڑ نے ایس ایچ او اچھرہ محمد الیاس، پولیس ٹیم کو شاباش دی ۔