اسرار خان : صحافی کالونی میں بجلی کے میٹر چرانے والا گروہ سرگرم، موٹر سائیکل سوار 2 ملزمان صحافی عامر بٹ کا بجلی کا میٹر لے اڑے ۔
سی سی ٹی وی میں دیکھا گیا کہ موٹر سائیکل سوار 2 ملزمان نے صحافی عامر بٹ کے گھر کے اطراف کا جائزہ لیا، اسی دوران ایک ملزم موٹر سائیکل پر بیٹھا اور اطراف کی نگرانی کرتا رہا جبکہ اس کے دوسرے ساتھی نے گھر کے باہر نصب بجلی کا میٹر اتار لیا۔ ملزمان چند منٹ کی واردات کے دوران بجلی کا میٹر لے اڑے ۔
دوسری جانب متاثرہ صحافی نے اندراج مقدمہ کی درخواست تھانہ ہربنس پورہ میں جمع کرا دی ۔
علاقہ مکینوں کا کہنا ہے کہ چند روز قبل صحافی ساجد کا بجلی کا میٹر بھی چوری ہوا تھا۔ سکیورٹی گارڈز کی موجودگی کے دوران بجلی کے میٹر چوری ہونے پر اہل علاقہ میں تشویش پائی جاتی ہے ۔