( وسیم احمد ) پاکستان سری لنکا ٹی ٹونٹی سیریز کی تیاریاں جاری، قذافی سٹیڈیم کے اطراف دکانیں، ہال اور ریسٹورنٹس بند رکھنے کا نوٹیفکیشن جاری، نشترپارک سپورٹس کمپلیکس میں کمرشل سرگرمیاں دو سے دس اکتوبر تک بند رہیں گی۔
نشتر پارک سپورٹس کمپلیکس میں سرچنگ کا عمل دو اکتوبر سے شروع ہوگا۔ دکانوں ہالز اور ریسٹورنٹس کو گیس سیلنڈرز نکالنے کا حکم دے دیا گیا۔ نشتر پارک اسپورٹس کمپلیکس میں گیس کی سپلائی بھی بند رہے گی۔
مختلف سیکورٹی ایجنسیز نشتر پارک اسپورٹس کمپلیکس کی سرچنگ کریں گی۔ قذافی اسٹیڈیم میں تین ٹی ٹونٹی میچز 5، 7 اور 9 اکتوبر کو کھیلے جائیں گے۔