بسیم سلطان:انسدادخصوصی پولیومہم کاآج تیسرا روز ہے،پولیو ٹیمیں گھر گھر جا کر بچوں کو پولیو کے قطرے پلا رہی ہیں۔
ڈپٹی کمشنر لاہور فیلڈ میں ہیں،ڈی سی لاہورسیدموسیٰ رضانےبیدیاں روڈپرپولیوورکرزکی کارکردگی کا جائزہ لیا اور پولیو ورکر ز سے صورتحال سے متعلق بریفنگ لی۔
ڈی سی لاہور کے مطابق پولیو مہم کوقومی فریضہ سمجھیں اورمہم کو کامیاب بنائیں،پولیو ٹیمیں گھر گھر جا کر بچوں کو پولیو کے قطرے پلا رہی ہیں۔
اس موقع پر ڈپٹی کمشنر سید موسیٰ رضا نے بیدیاں روڈ پر صفائی ستھرائی کا بھی جائزہ لیا،پلاٹ میں صفائی کے ناقص انتظامات پر انہوں نےاظہار ناراضگی کا اظہار کرتے ہوئے ایل ڈبلیوایم سی حکام کوفی الفورخالی پلاٹ کو کلیئر کرنے کا حکم دیا۔
ڈپٹی کمشنر سید موسیٰ رضا نے جھگیوں کے انخلاء کی بھی ہدایت کردی اور کہا کہ جھگیوں کی منتقلی کے لئے پوائنٹس کی نشاندہی کی جائے، سید موسیٰ رضا نے بنیادی مرکز صحت لدھڑ کا اچانک دورہ کیا، بنیادی مرکز صحت میں ڈاکٹروسٹاف سے ملاقات کی اور مریضوں سے ملاقات کرکے سہولیات بارے دریافت کیا۔ انہوں نے ہسپتال انتظامیہ کو مریضوں کو بروقت ادویات اور سہولیات کی فراہمی یقینی بنانے کی ہدایت بھی کی۔سی اوایم سی ایل کارپوریشن،اسسٹنٹ کمشنرصدرودیگر بھی ڈی سی کے ہمراہ تھے۔