(مانیٹرنگ ڈیسک) پاکستان کرکٹ ٹیم کے آل راؤنڈر شعیب ملک کی شاہد آفریدی کو سلیوٹ کرنے کی ویڈیو سوشل میڈیا پر وائرل ہوگئی۔
گزشتہ روز دبئی اسٹیڈیم میں ہونے والے پاک افغانستان میچ کے دوران شعیب ملک جب پویلین کی طرف آئے تو ان کا سامنا شاہد آفریدی سے ہوا، جس پر انہوں نے فوراً ہی شاہد آفریدی کو سیلوٹ کیا،شاہد آفریدی نے بھی شعیب ملک کو تھمبز اپ کر کے جواب دیا۔ جس کی ویڈیو سوشل میڈیا پر تیزی سے وائرل ہورہی ہے۔
علاوہ ازیں دبئی اسٹیڈیم میں میچ دیکھنے کے دوران شاہد آفریدی جذباتی ہوگئے اور اپنے ماضی کو یاد کرتے ہوئے شاہد آفریدی نے ٹوئٹر پر اپنی تصویر شیئر کردی، سابق کپتان پاکستان کرکٹ ٹیم نے تصویر کے کیپشن میں لکھا کہ کبھی گرائونڈ میں کھیل کر انجوائے کرتے تھے، آج ٹیم کو کھیلتا دیکھ کر انجوائے کر رہا ہوں۔
واضح رہےکہ ورلڈ کپ ٹی 20 کے گروپ 2 میں پاکستان نے افغانستان کو 5 وکٹوں سے شکست دے کر سیمی فائنلسٹ کی فہرست میں اپنی جگہ مضبوط کرلی، اس سے قبل ورلڈ کپ ٹی20 کے سپر 12 مرحلے کے اہم میچ میں افغانستان نے پاکستان کو 148 رنز کا ہدف دیا۔