(جنید ریاض) پیف اور پیما سکولوں کیلئے اچھی خبر، پنجاب حکومت نے رواں ہفتے نو ماہ سے تعطل کے شکار فنڈز جاری کرنے کی یقین دہانی کرادی۔
صوبائی وزیر تعلیم ڈاکٹر مراد راس نے اپنے ٹوئٹر پیغام میں کہا کہ پیف اور پیما میں پڑھانے والے اساتذہ ادائیگی نہ ہونے سے یقینا پریشان ہیں،ہمیں ان کی پریشانی کا احساس ہے، اسی ہفتے سکولوں کو فنڈز جاری کردیئے جائیں گے، جس سے پارٹنر سکولوں میں کام کرنے والے ملازمین کو بھی ادائیگیاں ہوجائیں گی۔ڈاکٹر مراد راس نے کہا کہ تعلیمی نظام کی بہتری کیلئے مزید اچھی خبریں اسی ہفتہ کے آخر میں دی جائیں گی۔
دوسری جانب ایپسا کے صدر شبیر ہاشمی کا کہنا ہے کہ ادائیگیاں صرف بیان کے حد تک کی جارہی ہیں، اگر ادائیگیاں اس ہفتہ نہ ہوئی تو 7 نومبر کو احتجاج کریں گے۔