ارسلان شیخ: ارجنٹیناکے لیونل میسی کو سال کا بہترین فٹ بالر قرار دے دیا گیا جبکہ خواتین میں اسپین کی الیکسیا پوٹیلاس ’بیلون ڈی اوور‘ ایوارڈ لے اڑیں۔
تفصیلات کے مطابق لیونل میسی نے ریکارڈ ساتویں بار ’’بیلون ڈی اور‘‘ ایوارڈ جیت لیا۔ پولینڈ کے رابرٹ لیوَانڈوسکی اسٹرائیکر آف دی ایئر جبکہ اٹلی کے ڈونا روما سال کے بہترین گول کیپر قرار پائے۔ خواتین میں اسپین کی الیکسیا پوٹیلاس ’بیلون ڈی اوور‘ ایوارڈ لے اڑیں۔
مرد کھلاڑیوں میں دو فٹبالرز کو موسٹ فیورٹ قرار دیا گیا تھاجن میں سے ایک بائرن میونخ کے رابرٹ لیونڈووسکی اور پیرس سین جرمین کے لیونل میسی شامل تھے۔ یاد رہے گزشتہ برس 2020 کا ایوارڈ کورونا وائرس کی وجہ سے نہیں دیا جا سکا تھا جبکہ 2019 میں میسی یہ ایوارڈ جیتنے میں کامیاب ہوئے تھے۔