(ویب ڈیسک) کراچی میں 100 روپے کی شرط پر  سرکے کی بوتل پینے والا 11 سالہ بچہ شاہ محمد جان سے ہاتھ دھو بیٹھا۔

 تفصیلات کے مطابق کراچی کے علاقے گلشن معمار افغان بستی میں 11 سالہ بچے شاہ محمد نے ٹھیلے والے سے سرکہ پینے کے لیے 100 روپے کی شرط لگائی تھی۔

 استاد کا بتانا ہے کہ شاہ محمد نے سرکے کی بوتل پینے کے بعد ٹھیلے والے سے شرط کے 100 روپے لیے اور دکان پر گیا، کولڈ ڈرنک خرید کر پی لی، لڑکا گھر آیا تو اسے الٹیاں شروع ہوگئیں۔

 حمیداللّٰہ کا کہنا ہے کہ بچے نے بتایا کہ اس نے سرکے کی بوتل اور پھر کولڈ ڈرنک پی لی ہے، شاہ محمد کو ہسپتال منتقل کیا گیا لیکن وہ انتقال کر گیا۔

 دوسری جانب پولیس کا کہنا ہے کہ ٹھیلے والے کو حراست میں لے لیا گیا ہے۔