( ویب ڈیسک) 103 سالہ معمر خاتون نے جہاز سے پیرا شوٹ کے ذریعے چھلانگ لگا کر سب کو حیرت میں ڈال دیا۔
سویڈن سے تعلق رکھنے والی 103 سالہ خاتوننے فضا میں ہوائی جہاز سے چھلانگ لگا کر پیراشوٹ کے ذریعے زمین پر بحفاظت اترنے کا مظاہرہ کیا ہے۔ روت لارسن نامی خاتون نے ہوائی جہاز سے چھلانگ لگانے کا یہ مظاہرہ سویڈن کے درالحکومت سٹاک ہوم سے 240 کلومیٹر کے فاصلے پر موٹالا میں کیا اور عالمی ریکارڈ توڑ دیا، قبل ازیں ریکارڈ امریکی خاتون کے پاس تھا۔
اس موقع پر گنیز بک آف ورلڈ ریکارڈ کا اہلکار بھی موجود تھا جنہوں نے ریکارڈ کی تصدیق کی۔