مانیٹرنگ ڈیسک: روسی فیڈرل سیکیورٹی سروس کے ایک افسر نے دعویٰ کیا ہے کہ روسی صدر ولادی میر پیوٹن کے پاس جینے کے لیے محض تین سال کا وقت ہے۔

غیر ملکی خبر رساں ادارے کی رپورٹ کے مطابق سیکیورٹی افسر نے دعویٰ کیا کہ 69 سالہ صدر کو کینسر کے عارضے میں مبتلا ہیں اور ان کی صحت تیزی سے خراب ہو رہی ہے۔

ان کی جانب سے یہ بھی دعویٰ کیا گیا ہے کہ روسی صدر کو ڈاکٹروں کی جانب سے زندہ رہنے کے لیے صرف تین سال کا وقت دیا گیا ہے جبکہ سردرد کے باعث وہ اپنی بینائی بھی کھو رہے ہیں۔

اس سے قبل بھی روسی صدر کی خرابی صحت کے بارے میں قیاس آرائیاں سامنے آتی رہتی ہیں۔