سٹی42: اینڈرائیڈ فون پر وی پی این کا استعمال بعض اوقات ضروری محسوس ہوتا ہے تو یوزر کوئی بھی "اچھی وی پی این" پلے سٹور سے ڈاؤن لوڈ کر کے استعمال کرنے لگتے ہیں لیکن سائبر سکیورٹی ایکسپرٹس نے اینڈرائیڈ فون استعمال کرتے ہوئے اس سے منسلک وائی فائی کو ہیک ہونے سے بچانےکیلئے اینڈرائیڈ فون یوزرز کو 28 مشکوک ایپس فوراً ڈیلیٹ کرنے کا مشورہ دیا ہے۔
سائبر سکیورٹی ایکسپرٹس کے مطابق اینڈرائیڈ فون میں اگر ان 28 ایپس میں سے کوئی موجود ہے تو وہ وائی فائی کو ممکنہ طور پر ہیک کرنے کی وجہ بن سکتی ہیں۔
اینڈرائیڈ کی مشکوک 28 ایپس کون سی ہیں؟
Lite VPN
Anims Keyboard
Blaze Stride
Byte Blade VPN
Android 12 Launcher (by CaptainDroid)
Android 13 Launcher (by CaptainDroid)
Android 14 Launcher (by CaptainDroid)
CaptainDroid Feeds
Free Old Classic Movies (by CaptainDroid)
Phone Comparison (by CaptainDroid)
Fast Fly VPN
Fast Fox VPN
Fast Line VPN
Funny Char Ging Animation
Limo Edges
Oko VPN
Phone App Launcher
Quick Flow VPN
Sample VPN
Secure Thunder
Shine Secure
Speed Surf
Swift Shield VPN
Turbo Track VPN
Turbo Tunnel VPN
Yellow Flash VPN
VPN Ultra
Run VPN
ایپس وائی فائی ہیکنگ کا زریعہ کیسے بنتی ہیں؟
ایک قابلِ اعتماد رپورٹ کے مطابق ہیومن سٹوری تھریٹ انٹیلی جنس ٹیم کی تحقیق میں سامنے آیا ہے کہ ان 28 میں درجن بھر سے زائد ایپس مفت فراہم کی جانے والی " وی پی این" ایپس کے بھیس میں موجو دہیں، ان مشکوک ایپس کو پلے اسٹور تک پہنچنے سے بھی پہلے پکڑنے کیلئے گوگل ایک بہترین آپشن ہے لیکن اس بہترین آپشن کے باوجود کئی غلط ایپس بھی پلے اسٹورز تک پہنچ جاتی ہیں جس کے بعد کوئی یوزر ان ایپس میں سے کوئی بھی ایپ اینڈرائیڈ فون میں ڈاؤن لوڈ کرتا ہے تو اس کی ڈیوائس کو ہیکرز ایک خفیہ پراکسی کے طور پر استعمال کرسکتے ہیں، ہیکرز پراکسی کے ذریعے انٹرنیٹ ٹریفک کو گھروں میں رکھی ڈیوائسز سے گزار کر اپنی مشکوک ڈیلنگ باآسانی انجام دیتے ہیں۔
پراکسی کا طریقہ کار ہیکرز کو عام طور پر اشتہارات کے فراڈ،فشنگ اور لاگ ان معلومات، سپیمنگ، اور متعدد اکاؤنٹس کے پاس ورڈز چوری کرنے جیسے اقدامات کے بعد بچ نکلنے میں مدد دیتا ہے۔
ماہرین کا کہنا ہے کہ اینڈرائیڈ یوزر جو اِن ایپس میں سے کسی ایک کو بھی انسٹال کرتے ہیں ان کی انٹرنیٹ بینڈوتھ کو ان کے علم کے بغیر ہائی جیک کر لیا جائے گا یہ صورتحال دیگر ممکنہ نقصانات کے ساتھ ان کے وائی فائی کی رفتار کو ڈاؤن کر سکتی ہے۔