(مانیٹرنگ ڈیسک)پاکستانی اداکارہ مدیحہ افتخار کے والد اور لیجنڈ اداکار سید افتخار احمد انتقال کرگئے۔
پاکستانی اداکارہ مدیحہ افتخار نے والد کے انتقال کی خبر انسٹاگرام کے ذریعے دی، اداکارہ نے انسٹاگرام سٹوری پر اپنے والد کے ہمراہ تصویر شیئر کرتے ہوئے کیپشن درج کیا کہ آج میری دعا ’میرے باپ کو صحت دینا‘ سے ’ میرے باپ کو جنت نصیب کرنا‘ میں بدل گئی۔ انا للہ وانا الیہ راجعون
میڈیا رپورٹس کے مطابق لیجندڑی اداکار سید افتخار احمد کافی عرصے سے بیمار تھے اور ان کا انتقال راولپنڈی کے ہسپتال میں ہوا، سید افتخار احمد کی تدفین اسلام آباد میں ہوئی جس میں ان کی قریبی رشتہ داروں اور سرکاری ٹی وی سے تعلق رکھنے والے افراد نے شرکت کی۔
View this post on Instagram
واضح رہے کہ سید افتخار احمدکا شمار پاکستان شوبز انڈسٹری کے مقبول اداکاروں میں ہوتا تھا وہ پی ٹی وی کے پروگرام بولتے ہاتھ سے وابستہ رہے ، ان کی خدمات کے عوض انہیں پرائیڈ آف پرفارمنس سے نوازاگیا۔