رائل پارک (زین مدنی )حال ہی میں رشتہ ازدواج میں منسلک ہونے والی اداکارہ سوہائے علی ابڑو نے اپنے اکاﺅنٹ سے اپنی شادی کی ایک تصویر شیئر کی ہے۔
تفصیلات کے مطابق سوہائے علی ابڑو نے شوہر شہزر محمد کے ہمراہ بیٹھے مہندی کی تقریب کی ایک تصویر شیئر کی۔ تصویر میں سوہائے نے کوئی اظہار خیال نہ کیا لیکن پیلے دل والا ایموجی انہوں نے بطور کیپشن استعمال کیا۔ اداکارہ کی جانب سے شیئر کی گئی تصویر پر ساتھی فنکار انہیں مبارکباد دے رہے ہیں اور نئی زندگی کے لیے نیک خواہشات کا اظہار کر رہے ہیں۔
View this post on Instagram
یاد رہے کہ سوہائے علی ابڑو نے حال ہی میں شہزر محمد سے شادی کی تھی، شادی کی تقریب سادگی سے منعقد کی گئی، شادی کی تقریب میں پاکستان کے معروف اداکار ہمایوں سعید سمیت شوبز اور کھیلوں کی دیگر اہم شخصیات نے شرکت کی۔ وہ سابق کرکٹر شعیب محمد کے بیٹے شہزادمحمد کی شریک حیات بنی ہیں۔ ذرائع کے مطابق شہزاد محمد کرکٹ بھی کھیلتے ہیں لیکن پیشے کے اعتبار سے وہ پروفیشنل ٹرینر ہیں۔
View this post on Instagram
پاکستان کی شوبز انڈسٹری سے تعلق رکھنے والی کسی شخصیت نے بھی تاحال شادی کے حوالے سے سوشل میڈیا پر کوئی پوسٹ نہیں کی جس سے ظاہر ہوتا ہے کہ تقریب کو انتہائی مختصر رکھا گیا تھا۔