ویب ڈیسک: میٹرو ٹرین میں دو افراد آپس میں گتھم گتھا ہوگئے، ویڈیو سوشل میڈیا پر وائرل ہوگئی۔
بھارت کی ٹرینوں میں لڑائی کی ویڈیوز اکثر سوشل میڈیا پر وائرل ہوجاتی ہیں، ایسی ہی ایک ویڈیو سامنے آئی ہے جو کہ سوشل میڈیا پر وائرل ہوگئی ہے، ویڈیو میں دیکھا جاسکتا ہے کہ دہلی میٹرو ٹرین میں دو نوجوان آپس میں لڑ رہے ہیں اور قریب موجود افراد ان کا جھگڑا چھڑوانے کی کوشش کررہے ہیں۔
A fight broke out between two people on @OfficialDMRC Violet Line. #viral #viralvideo #delhi #delhimetro pic.twitter.com/FbTGlEu7cn
— Sachin Bharadwaj (@sbgreen17) June 28, 2023
ویڈیو میں مردوں کو تھپڑوں اور گالیوں کا تبادلہ کرتے ہوئے دیکھا جا سکتا ہے جب کہ ان کے آس پاس دیگر مسافر لڑائی چھڑواتے دکھائی دیتے ہیں۔
دوسری جانب اس واقعے کے بعد دہلی میٹرو ریل کارپوریشن نے مسافروں کو میٹرو کا استعمال کرتے ہوئے ذمہ دار بننے کی ترغیب دی ہے۔دہلی میٹرو ریل کارپوریشن نے ایک بیان جاری کیا جس میں انہوں نے مسافروں سے کہا کہ وہ کسی بھی ناقابل قبول رویے کی اطلاع ہیلپ ڈیسک کو دیں۔