سٹی42: ٹریفک پولیس نے شہر میں تیز رفتاری کرنے والوں کے خلاف ایکشن شروع کر دیا ۔ ٹریفک پولیس کی جانب سے اسپیڈ گن پوائنٹ کو فعال کر دیا گیا۔
تفصیلات کے مطابق ٹریفک پولیس نے اسپیڈ گن کو مختلف اوقات میں اہم شاہراہوں پر تعینات کرنا شروع کر دیا ۔ ٹریفک پولیس ریکارڈ کے مطابق اسپیڈ گن پہلے روزانہ پانچ یا چھ چالان کرتی تھی تاہم اب اس کو فعال کیا جا رہا ہے ۔ سی ٹی او منتظر مہدی کے مطابق سپیڈ گن یونٹ کی جانب سے کارروائیوں کی تعداد 30 سےتجاوز کر گئی اسی طرح ایئرپورٹ روڈ ، کنال روڈ ، خیابان اقبال سمیت دیگر شاہراہوں پر اسپیڈ گن تعینات کی جائے گی جس سے اوورسپیڈنگ کو ختم کیا جا سکے گا۔