سٹی 42: ٹک ٹاک استعمال کرنے کا بخار گلی محلوں،سکول کالجوں سے نکل کر ہسپتال پہنچا ۔اب اسمبلیوں تک بھی اس نے رسائی حاصل کرلی ہے،ایک ایم پی اے کی بہن نے صوبائی اسمبلی کے اجلاس میں شرکت کی ،اجلاس کے دوران بنائی گئی ٹک ٹاک ویڈیو وائرل ہوگئی ہے۔

ٹک ٹاک کا بخار سندھ اسمبلی پہنچ گیا

ایک خاتون رکن اسمبلی کی رشتہ دار کی اسمبلی میں ٹک ٹاک ویڈیو بنا کر اپنے اکاؤنٹ پر شئیر کردی
وڈیو وائرل ہوگئی pic.twitter.com/t7K8HItp3F

— RegionalTelegraph (@RegnlTelegraph) June 29, 2020

رکن سندھ اسمبلی دعابھٹو کی بہن اور ٹک ٹاک سٹار اقرا بھٹو نے سندھ اسمبلی کی لابی میں ٹک ٹاک ویڈیو بناکر سوشل میڈ یا پر شیئر کردی ۔تحر یک انصاف کی رکن اسمبلی دعا بھٹو نے اپنی بہن کی غلطی پر وضاحت دیتے ہوئے کہا کہ بہن سے انجانے میں غلطی ہوئی۔سندھ اسمبلی کی لابی میں اقرا بھٹو نے اپنی ٹک ٹاک ویڈیوز بنا کر شیئر کردیں۔ویڈیوز سامنے آنے کے بعد سوالات اٹھنے لگے کے مہمانوں کو سندھ اسمبلی کی لابی میں ویڈیوز بنانے کی اجازت کیسے دی جا سکتی ہے ۔

سیاسی اور سماجی حلقوں کی جانب سے اٹھنے والے سوالات پر پی ٹی آئی کی رکن سندھ اسمبلی دعا بھٹونے وضاحتی بیان میں کہا میری بہن کو معلوم نہیں تھا کہ اس کرسی پر بیٹھ کر ویڈیو نہیں بنانی اور یہ سندھ اسمبلی کے ہال کی ویڈیو نہیں ہے بلکہ مہمانوں کی لابی کی ویڈیو ہے، اگر مجھے معلوم ہوتا کہ اقرا بھٹو نے اپنے موبائل سے یہاں بیٹھ کر ویڈیو بنائی ہے تو میں کبھی بھی اس کو اپلوڈ کرنے کی اجازت نہ دیتی۔رکن سندھ اسمبلی دعا بھٹو نے مزید کہا کہ اپنی چھوٹی بہن نے کی اس حرکت پر میں آپ سب لوگوں سے معذرت خواہ ہوں۔
 

 
 

وڈیو میری چھوٹی بہن نے بھائیِ بالکل اندازہ نہ تھا، اگر معلوم ہوتا تو نہ وڈیو بنانے دیتی نہ اپلوڈ کرنے دیتی، وڈیو لابی میں بنائی گئی نہ کہ اسمبلی ہال میں ، میں معذرت چاہتی ہوں، پی ٹی آئی رہنما دعا بھٹو pic.twitter.com/GbkVq9jqzk

— RegionalTelegraph (@RegnlTelegraph) June 29, 2020