سٹی42: باجوڑ کے ضلعی صدر مقام خار  میں جمعیت علما اسلام کے ورکرز کنونشن میں بم دھماکہ سے زخمی ہونے والے ایک اور کارکن کو ہیلی کاپٹر کے ذریعے پشاور روانہ کردیاگیا ۔

ڈاکٹر  لیاقت ایم ایس خار ہستپال نے بتایا کہ  باجوڑ کے ڈسٹرکٹ ہسپتال خار میں 10 زخمی اس وقت زیر علاج ہیں۔ 
بم دھماکہ کے 23 زخمیوں کو لوئر دیر تیمرگرہ ہسپتال جبکہ 17 زخمیوں کو ہیلی کاپٹر کے ذریعے پشاور منتقل کردیاہے ، جو لوگ زیادہ زخمی نہیں تھے انہیں زخموں کی ڈریسنگ کے بعد گھر جانے کی اجازت دے دی گئی۔ 
میڈیکل سپرنٹنڈنٹ ڈاکٹر لیاقت نے بتایا کہ دھماکے کے بعد 35  لاشیں ڈی ایچ کیو ہسپتال لائی گئی تھیں۔