جے یو آئی ورکرز کنونشن میں بم دھماکے کی وڈیو فوٹیج مل گئیں

سٹی42: باجوڑ کے ضلعی صدر مقام خار میں جمعیت علما اسلام کے کارکنوں کے کنونشن میں خودکش بم دھماکہ کی وڈیو فوٹیج  سامنے آ گئیں۔

جس وقت دھماکہ ہوا اسٹیج سے نماز کے وقفہ کا اعلان ہونے کے بعد نعرے لگائے جا رہے تھے، دھماکے سے جلسہ گاہ میں اسٹیج سے کچھ دور علاقہ میں بہت نقصان ہوا  اور وڈیو فوٹیج بنانے والا کیمرہ دھماکہ سے ہوا میں اڑ کر نیچے گرا۔ وڈیو بنانے والا کا کچھ پتہ نہیں کہ اس کا کیا بنا۔  جلسہ گاہ کے آخری حصہ میں موجود حاضرین اس دھماکہ کے اثرات سے زیادہ تر محفوظ رہے۔ دوسری فوٹیج جو جلسہ گاہ میں عقبی نشستیوں کے درمیان کھڑا ہوا کوئی کارکن بنا رہا تھا، اس فوٹیج میں دھماکہ ہونے ، اس سے پہلے اور اس کے بعد کا منظر واضح دیکھا جا سکتا ہے، اس منظر میں جلسہ گاہ میں موجود کمسن بچوں کو خوفزدہ دیکھا جا سکتا ہے۔ 

اسٹیج کے قریب موجود کسی کارکن کی بنائی ہوئی اس وڈیو فوٹیج میں دیکھا جا سکتا ہے کہ بم دھماکہ سے عین پہلے اسٹیج کے ارد گرد موجود کارکن نعروں کا جواب دے رہے تھے۔