زین مدنی : ہدایتکار ندیم چیمہ کی نئی فلم چھتیس گڑھ تیار ہوگئی ہے ۔فلم کو اسی سال اکتوبرمیں ریلیز کیا جائے گا۔
تفصیلات کے مطابق اسی سال اکتوبر میں ندیم چیمہ کی نئی فلم چھتیس گڑھ کو ریلیز کیا جائے گافلم کی کاسٹ میں اداکار معمر رانا ، ثناء، راشد محمود ، شفقت چیمہ سمیت دیگر فنکار شامل ہیںفلم ایکشن سے بھرپور اور بین الاقوامی معیار کے مطابق بنائی گئی ہے۔
ایک انٹرویو میں فلم کے ڈائریکٹر ندیم چیمہ کا کہنا تھا کے وہ اس فلم کے شوٹ کے لیے کب سے پاکستانی صحراؤں میں گھوم رہے ہیں ،فلم کے اداکار معمر رانا کے بارے میں گفتگو کرتے ہوئے ندیم چیمہ کا کہنا تھا کہ معمر نے اپنی تمام تر توانائیاں فلم میں صرف کر دی ہیں اور ان کی کام کے لیے لگن قابل تعریف ہے۔
جبکہ فلم کا ٹیزر سوشل میڈیا پر رلیز ہونے کے بعد مداحوں کی طرف سے خوب سراہا جا رہا ہے اور ساتھ ہی ساتھ نیک خواہشات کا اظہاربھی کیا جا رہا ہے۔