وقاص احمد : پتنگ بازی کیلئےگوجرانوالہ جاتے ہوئے پتنگ باز سمیت 2 ملزم گرفتار ہوگئے  جبکہ ایک بچہ پتنگ بازی کی وجہ سے زندگی کی بازی ہار گیا 
اچھرہ پولیس نے فیروز پور روڈ اور ریڑھی والا چوک سےملزم گرفتار کیے،ملزم شہباز پتنگ بازی کیلئے گوجرانوالہ جا رہا تھا،  جس کو پولیس نے مسلم ٹاؤن سے گرفتار کرلیا ،  ملزم کےقبضےسے 150 سے زائد پتنگیں اور ڈور کی چرخیاں برآمد ہوئیں ۔

ملزم عرفان ریڑھی والا چوک پر گھر میں پتنگیں تیار کرکے فروخت کرتا تھا،ملزم عرفان کےقبضےسے 80 تیار گڈے اور ڈور کی چرخی برآمد ہوئیں 
 ایس پی ماڈل ٹاؤن اخلاق اللہ تارڑ  نے کہا پتنگ بازی اور پتنگ سازی پر پابندی ہے ،شہری پتنگ بازی سے گریز کریںْ

پتنگ بازی کا کھیل معصوم کی جان لے گیا 

حیدرآباد میں آٹو بھان روڈ پر ریلوے لائن پر پتنگ اڑاتے ہوئے بچہ ٹرین کی زد میں آگیا، ٹرین کی زد میں آنے والا بچہ جاں بحق ہوگیا،  بچے کی شناخت ریحان کے نام سے ہوئی ہے، ایدھی  حکام کا کہنا ہے  10 سالہ ریحان ریلوے لائن پر پتنگ اڑاتے ہوئے ٹرین کی زد میں آگیا،