(ویب ڈیسک) بالی ووڈ اسٹار سلمان خان 56برس کے ہو چکے ہیں،ان کے شادی کرنے یا نہ کرنے کے حوالے سے خبریں گردش میں رہتی ہیں،اب وہ سنگل ہیں بھی یا نہیں اس حوالے سے ایک حیران کن ویڈیو دیکھ کر سوشل میڈیا صارفین حیرت میں مبتلا ہیں۔
بھارت کے مشہور ریئلٹی شو بگ باس کے سیزن 15 کےفنالے کا ٹیزر انسٹاگرام پر شیئر کیا گیا ہے۔ویڈیو میں بگ باس کے میزبان سلمان خان کو شہناز گِل کے ساتھ گفتگو کرتے ہوئے دیکھا جاسکتا ہے۔ ویڈیو میں سلمان خان نے اب تک شادی نہ کرنے اور زندگی میں اکیلے ہونے سے متعلق تبصرے نے مداحوں کو تشویش میں مبتلا کردیا۔
ویڈیو میں شہناز گِل کہتی ہیں کہ’ وہ اب پنجاب کی کترینہ کیف سے انڈیا کی شہناز گِل ہوگئی ہیں کیونکہ انڈیا کی کترینہ کیف تو اب پنجاب کی کترینہ کیف بن چکی ہیں۔شہناز گِل بات سن کر سلمان خان بھی متفق نظر آ تے ہیں۔اس کے بعد شہناز گِل سلمان خان سے کہتی ہیں کہ سر، آپ خوش رہو بس۔ جس کے بعد شہناز گل سلمان خان سے معذرت کرتی ہیں اور کہتی ہیں کہ’ کہیں وہ کچھ زیادہ تو نہیں بول رہیں۔
اسی دوران شہناز گل سلمان خان سے ایک جملہ بولتی ہیں کہ سر آپ سنگل ہی زیادہ اچھے لگتے ہیں، جواب میں سلمان خان جو کہتے ہیں جب وہ سنگل ہوجائیں گے پھر زیادہ اچھے لگیں گے ان کی یہ بات سن کر سوشل میڈیا صارفین حیرانی میں مبتلا ہیں کہ کیا سلمان سنگل نہیں۔
View this post on Instagram
سلمان خان کی بات سنتے ہی شہناز نے سوال کیا کہ’ کیا آپ ابھی کسی کے ساتھ ہیں؟‘شہناز گِل کے اس سوال پر ناظرین زور سے تالیاں بجاتے ہیں اور سلمان خان ذرا سا شرماتے ہیں جس کے بعد مسکرا دیتے ہیں۔