(زین مدنی )معروف اداکارہ یمنیٰ زیدی نے نظم ” محبت خدا پر“ اپنے مداحوں کو سنا دی، یمنیٰ زیدی نے سماجی رابطے کی ویب سائٹ انسٹاگرام پر ویڈیو شیئر کی جس میں وہ اپنے مداحوں کو اللہ سے محبت پر نظم سنا رہی ہیں۔

 اِس سے قبل بھی یمنیٰ زیدی نے انسٹاگرام پر اپنی ایک ویڈیو شیئر کی تھی جس میں انہوں نے اللہ پر ایمان اور یقین کو نظم کے ذریعے بیان کیا تھا۔

 اداکارہ نے اپنی اِس پوسٹ کے کیپشن میں لوگوں کو چھوٹا سا پیغام بھی دیا تھا کہ ہمیشہ یہ یقین رکھیں کہ ہر کام ایک مقرر وقت پر ہوتا ہے اور ہمارا یہ یقین ہی اللہ پر ہمارے ایمان کو مضبوط بناتا ہے۔

 واضح رہے کہ یمنیٰ زیدی اکثر اپنی شاعری کی ویڈیو انسٹاگرام پر شیئر کرتی رہتی ہیں۔