(زین مدنی) ٹی وی اداکار عفان وحید ڈراموں کے بعد اب فلموں میں انٹری دینے کیلئے تیار ہوگئے، رواں برس عفان وحید فلم مستانی کے ذریعے فلموں میں انٹری دیں گے۔
انہوں نے فلم میں کام کرنے کی تصدیق کرتے ہوئے بتایا کہ فلم کی کہانی میں مزاح، ڈرامہ اورسسپنس موجود ہے جو شائقین کو ضرور پسند آئے گا، اس فلم کی کہانی ایک رحم دل عام آدمی شکیل کے گرد گھومتی ہے جسے عالیہ نامی لڑکی سے محبت ہوجاتی ہے جو اس کی شخصیت کے بالکل برعکس ہے، فلم کی کہانی کافی دلچسپ ہے جو دیکھنے والوں کو ضرور پسند آئے گی۔
فلم میں عفان وحید کے ساتھ مرکزی کردارادا کرنے والی اداکارہ کا نام فی الحال سامنے نہیں آیا، فلم کی ہدایت کاری عثمان رضوی دیں گے اور کہانی بھی انہوں نے ہی تحریر کی ہے، دانیہ نظامی فلم کو پروڈیوس کریں گی، فلم رواں سال عید الفطر پر ریلیز کئے جانے کی توقع ہے۔