ویب ڈیسک: مصر کے دارالحکومت میں پولیس اکیڈمی کے اندر خوفناک دھماکے سے بھگدڑ مچ گئی۔
عالمی خبر رساں ادارے کے مطابق پولیس اکیڈمی کے اندر ہونے والا دھماکا اتنی شدید نوعیت کا تھا کہ آس پاس کھڑی گاڑیوں کے شیشے ٹوٹ گئے۔
ابتدائی طور پر دھماکے کو خودکش حملہ سمجھا گیا اور مزید نفری بھی طلب کرلی گئی۔ امدادی کاموں کے دوران 5 اہلکاروں کو اسپتال منتقل کیا گیا۔
جن میں سے 3 اہلکاروں کی موت کی تصدیق کردی گئی جب کہ مزید دو کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔
پولیس کا کہنا ہے کہ یہ ایک گیس سلنڈر دھماکا تھا جو معمول کی صفائی ستھرائی کے دوران غفلت کے باعث دھماکے سے پھٹ گیا۔