ویب ڈیسک:سابق قومی ٹیسٹ کرکٹر عمر کے والد نادر خان انتقال کرگئے،پاکستان کرکٹ بورڈ (پی سی بی) کے چیئرمین محسن رضا نقوی نے سابق کرکٹر عمر گل کے والد کے انتقال پر گہرے رنج و غم کا اظہار کیا۔
تفصیلات کےمطابق اپنے دلی تعزیتی پیغام میں چیئرمین پی سی بی محسن نقوی نے دعا کی کہ اللہ تعالیٰ مرحوم کی روح کو جوار رحمت میں جگہ عطا فرمائے۔
چیئرمین پی سی بی نے سوگوار خاندان کے لیے صبر اور استقامت کے ساتھ اس ناقابل تلافی نقصان کو برداشت کرنے کی ہمت اور ان کے لیے دعا بھی کی۔
سابق کرکٹر عمر گل کے والد مرحوم کی نماز جنازہ کل شام ساڑھے چار بجے پشتہ خرہ قبرستان پشاور میں ادا کی گئی۔
واضح رہے کہ پاکستان کے سابق فاسٹ بولر عمر گل نے 16 اکتوبر 2020 کو ہر طرز کی کرکٹ سے ریٹائرمنٹ کا اعلان کیا تھا، عمر گل نے 47 ٹیسٹ، 130 ون ڈے اور 60 ٹی ٹوئنٹی میچوں میں بین الاقوامی سطح پر پاکستان کی نمائندگی کی۔