ویب ڈیسک : یارا تیری یاری کو میں نے تو خدا جانا۔ دودوستوں میں بل دینے پر تکرار نے دل چسپ رخ اختیار کرلیا۔ ایک دوست بل پہلے دینے کے لئے اتنا جذباتی ہوا کہ کار کی چھت پر چڑھ کر پہلے بل دینے میں کامیاب ہوا، ویڈیو دنیا بھر میں وائرل ہوگئی۔
رپورٹ کے مطابق سعودی عرب کے علاقے دہران جنوبی میں دو دوست ایک ریستوران کے ڈرائیو تھرو سے کچھ کھانے پینے کی چیزیں لینے کیلئے رکے اور بل دینے کی باری آئی تو بڑے دل والے دوست آپس میں ہی الجھ پڑے کہ بل پہلے کون دے گا?
بحث کا خاتمہ اس وقت ہوا جب ایک دوست گاڑی کی کھڑکی سے باہر نکل کر چھت پر جا چڑھا اور کاؤنٹر پہ پہلے پہنچ کر بل ادا کردیا۔
یہ ویڈیو نہ صرف دو دوستوں کی باہمی محبت کا ثبوت ہے بلکہ ان کے بڑے دل اور کھلے پن کا بھی مظاہرہ ہے ۔ ڈرائیور سائڈ پر بیٹھے عبدالرحمان الوداعی کا کہنا تھا کہ ہلکا پھلکا کچھ کھانے کا دل تھا جب ڈرائیو تھرو سے اشیاء لے چکے تو میرے یار نے مجھے بل دینے سے منع کردیا میں نے کہا یہ نہیں ہوسکتا تو میرا دوست چھلانگ مار کرچھت پر چڑھ گیا اورمجھ سے پہلے بل دیدیا۔ وہاں سے نکلے تو خیال آیا ہوسکتا ہے کیمرے نے منظر محفوظ کیا ہو واپس آئے اور ریستوران انتظامیہ سے درخواست کی کہ فوٹیج ہمیں دیدیں جس پر میرے دوست نے ان سے فوٹیج لے کر سوشل میڈیا پر پوسٹ کردی ۔ وہم وگمان میں بھی نہیں تھا کہ فوٹیج اتنی مقبول ہوجائے گی۔
ٹک ٹاک پر ویڈیو کو 40 لاکھ ویوز ملے ہیں جبکہ ٹوئٹر پر بھی ویڈیو لاکھوں صارفین نے نہ صرف شئیر کی ہے بلکہ اس پر مزے مزے کے تبصرے بھی کئے ہیں۔
جانب من كرم ابناء الوطن واخلاقهم النبيلة التي توارثوها واستمرّت معهم الى يومنا هذا ، وهو مشهد نراه يومياً ، ونعم وجعل يمناك ما تعَطب ♥️???????? pic.twitter.com/ssIP3BTSWM
— سلمان بن حثلين (@S_H_188) December 28, 2021